على كورنيشك يا بلدى
ريحة الذرة المشوىوعيدان الفل
النسمة الحلوة
معطرة بريحة نيلك الأصيل
على كورنيشك يا بلدى
شفت ناس واقفين
منهم بيضحكوا
قلت يمكن مبسو طين,بمكن
جايز بيرسموا البسمة و هما مش قاصدين
شفت ناس واجمين
من بكرة خايفين
و اثنين احبة بيهمسوا
ببكرة بيحلموا
بيقولوا يمكن بكرة يكون احسن
على كورنيشك يا بلدى
ناس بصوت عالى بيصرخوا
اطفال من الجوع بيتالموا
ناس طيبين
بسطاء بس فاهمين
اطفال بالفل سارحين
مش لاقين شارين
اصل الناس حتى اللقمة مش لاقين
محدش قادر يشترى
و اهو كولو على بعضة بيفترى
شفت قارب جنب يخت
ناس ليها حظ و ناس ملهاش بخت
شفت نيلك
شفت قمرك
نيلك همسلى
متخفيش يا بنتى
قلت لة ازاى يا جدى
قال بكرة جاى
قلتلة مش يمكن اسوأ
قال متقلقيش
مصر قائمة
مصر جامدة
مصر صامدة
مصر صاحية و مش نائمة
مش ممكن يدوم الليل
مسلم و قبطى بيرفضوا الدخيل
مصر عارفة كل عميل
مصر مش ساكتة
مصر ابدا مش هتضيع
و ايامها اللى جاية هتبقى ربيع
مهما طال الضيق
الامل هيفتح كل طريق
مصر بنتى و كمان انتى
دمكوا من طينتى
مصر بتتكلم
بتصرخ صرخة
بتقول يا ولادى
متيئسوش و من بكرة متخفوش
بأيديكوا بكرة احلى
و الهم بكرة هيبقى ذكرى
على كورنيشك يا مصر
شفت كثير
شفت المعدم والفقير
كلهم بيحلموا ببكرة
كلهم نفسهم فى ضحكة
كلهم على كورنيشك يا مصر